ഒാർമ്മയിലെ ഒാണം

മുക്കുറ്റി തുമ്പകൾ പൂത്തു നിൽക്കുന്നൊരു

മുറ്റമാണുളളിലെ ഒാണക്കാലം

പുത്തനുടുപ്പിട്ട് പുക്കളം തീർത്തൊരു 

പത്താംനാളന്നെന്റെ ഒാണക്കാലം

പപ്പടം പായസം നൂറ്കൂട്ടം കൂട്ടി 

പുത്തരിച്ചോറുണ്ട ഒാണക്കാലം

ആവണി പൂവട്ടി വീശി നിറയ്ക്കുന്ന
ദാവണി പെൺകിടാവോണച്ചന്തം

നാണം നിറഞ്ഞൊരാ കണ്ണിൽ തെളിഞ്ഞൊരു
ഒാണ നിലാവിന്റെ ഒാർമ്മക്കാലം

ഊഞ്ഞാലിലാകാശം തൊട്ട കിനാവുകൾ
മാഞ്ഞു മറഞ്ഞൊരു നഷ്ട കാലം

ഉത്രാടനാളിലെ നെട്ടോട്ടവും പിന്നെ 

ബോണസുമിന്നെന്റെ ഒാണക്കാലം