ബ്ലോഗന്‍ വില്ല

അനുഭവങ്ങള്‍ ഇല്ലാത്തവര്‍ കഥയും കവിതയും ഒന്നും എഴുതരുതെന്നാണ് പറയാറ്. അനുഭവങ്ങളുടെ വര്‍ണ്ണപകിട്ടിലാത്തതു കൊണ്ടാവാം എന്റെ എഴുത്തിനു ഗുണവും മണവും ഒന്നും കാണണമെന്നില്ല. എന്നാലും മനസ്സിന്റെ നടവഴിയോരത്ത് ഈ കടലാസ് പൂക്കള്‍ വിരിഞ്ഞ് നില്ക്കുന്നത് കാണുമ്പോള്‍ ഒരു രസം … അതില്‍ ചിലത് ഞാന്‍ ഇവിടെ പൊഴിക്കട്ടേ…

Monday, February 4, 2013

മഴക്കാറ്റ്

നീ...

ആര്‍ത്ത് പെയ്ത മഴ
ബാക്കിവച്ച
പുതുമണം പേറുന്ന
ഈറന്‍കാറ്റ്

നീര്‍വലിയുന്ന
മണല്‍ ക്യാന്‍വാസില്‍
വെയില്‍ വരക്കുന്ന
നിഴല്‍ ചിത്രങ്ങള്‍
ഉലച്ച് രസിക്കുന്ന
ഇളംകാറ്റ്

മനസാഴങ്ങളില്‍
കാലം അടക്കിയ
മറവിയുടെ വിത്തുകള്‍ക്ക്
മഴയില്‍ മുളപൊട്ടാനായ്
ആഞ്ഞ് വീശുന്ന
ഓര്‍മ്മക്കാറ്റ്

തണുപ്പ് പുതച്ച
രാത്രികളില്‍
ഇരുട്ട് പുതച്ച്

എന്നോടൊപ്പം
കുളിര്‍ കായാനെത്തുന്ന
രാക്കാറ്റ്